O xardín das sete portas

Por primeira vez, Belagua Ediciones importa para a lingua galega a que constitúe a práctica totalidade da obra infantil e xuvenil de Concha Castroviejo (Santiago de Compostela, 1910-Madrid, 1995), reunida en “O xardín das sete portas”. Estes catorce contos e unha obra teatral conforman, xunto coa novela “Los días de Lira”, a notable contribución á literatura xuvenil do seu tempo dunha autora que, malia ser unha das máis destacadas narradoras da posguerra española, permanece silenciada e, na súa terra, Galicia, ignorada.

O talento de Concha Castroviejo revélase neste libro con pasaxes de atraínte prosa poética.

SOBRE A AUTORA

Exiliada en México entre 1939 e 1949, Concha Castroviejo foi unha muller  valente para oponerse ás convencións do seu tempo, para loitar pola súa liberdade e para divulgar os traballos literarios de mulleres no seu labor de crítica literaria, cando isto apenas era tido en conta. Publicou en vida dúas novelas: Los que se fueron (1957) e Víspera del odio (1959), e deixou escrita unha terceira, En las praderas del gran Manitú, que foi publicada en 2020.

En 1953 trasladouse a Madrid, onde traballoua no diario Informaciones: dirige o seu suplemento infantil e entre 1962-1966 exerce de titular da crítica e contribúe ao boom da literatura hispanoamericana.  Foi unha das poucas mulleres que trabalhou na crítica literaria, onde deixou un traballo inmenso en publicacións como  Ínsula, La Estafeta Literaria, Cuadernos de Occidente, Cuadernos Hispanoamericanos, Blanco y Negro ou Grial.