Ramón Torrado Romero ignorou a súa innata timidez mentres escribiu no xa desaparecido xornal dixital Certo. A vida en Barbanza, os seus sentimentos ou a figura de Rosalía de Castro repican nos artigos que publicou entre 2008 e 2014. Pensamentos, vivencias e fascinacións dan conta neles dos intereses deste nostálxico profesor e escritor, especialista en admirar todas as formas de beleza que acompañan a existencia do ser humano.
SOBRE O AUTOR
Profesor e escritor educado en Galicia, no País Vasco e nos Estados Unidos de América. Investigador rosaliano. É autor das novelas Rebeca no val das sombras ardentes (2018), A petición de Auli (Belagua, 2023) e As almas comunicantes (Medulia, 2024), do libro de viaxes Torino (2021), así como de artigos de prensa para Galicia Confidencial e o xornal Certo de Barbanza.
Valoraciones
No hay valoraciones aún.